|
|
|
|
Cyflwynwyd ac arwyddwyd fel rhai cywir yn amodol ar y
mater a nodir isod, gofnodion cyfarfod blaenorol y CYSAG a
gynhaliwyd ar 8 Gorffennaf, 2008:
|
|
|
|
|
|
|
3.1
|
Penderfynwyd nodi bod y Cynghorydd Gwilym O.Jones wedi bod
yn bresennol yn y cyfarfod a gynhaliwyd ar 8 Gorffennaf, a bod Mrs
Helen Roberts wedi cyflwyno ymddiheuriad am absenoldeb ar gyfer y
cyfarfod.
|
|
|
|
|
3.2
|
Eitem 5 - Arolygiadau Ysgolion
|
|
|
|
|
|
Cadarnhaodd y Pennaeth Gwasanaeth (Addysg) ei fod wedi
anfon llythyr at benaethiaid Ysgol Gynradd Biwmares ac Ysgol
Gynradd Goronwy Owen, ac at Bennaeth Ysgol Uwchradd Llangefni a
Phennaeth yr Adran Addysg Grefdydol yn ogystal, i gyfleu iddynt
longyfarchiadau’r CYSAG ar eu cyflawniadau fel yr adroddwyd
amdanynt i’r cyfarfod blaenorol.
|
|
|
|
|
3.3
|
Eitem 8 - Addoli ar y Cyd
|
|
|
|
|
Ÿ
|
Penderfynwyd diwygio’r cyfeiriad at
Addoli ar y Cyd yn fersiwn Saesneg y cofnodion i ddarllen
Collective Worship yn hytrach na Joint Worship.
|
|
|
Ÿ
|
Rhoddodd Ymgynghorydd y Dyniaethau wybod i’r aelodau
mewn perthynas â’r penderfyniad o dan yr eitem hon, nad
oedd eto wedi cylchredeg arweiniad atodol Estyn ar addoli ar y cyd
mewn ysgolion anenwadaol i ysgolion uwchradd a chynradd y
sir.
|
|
|
|
|
|
|
|
|
|
Cyflwynwyd - Gwybodaeth dan Adran 28 Deddf Addysg 2005 am
gynnwys y rhannau perthnasol hynny o adroddiadau arolwg mewn
perthynas ag Ysgol Gynradd Esceifiog, Ysgol Gymuned Llanfechell ac
Ysgol Llangaffo.
|
|
|
|
|
|
Adroddodd y Pennaeth Gwasanaeth (Addysg) am
gasgliadau’r arolygiadau uchod fel a ganlyn -
|
|
|
|
|
Ÿ
|
Ysgol Gynradd Esceifiog
|
|
|
|
|
|
Daw’r Arolygydd i’r casgliad cyffredinol bod
Ysgol Esceifiog yn ysgol dda iawn gyda llawer o nodweddion
rhagorol. Mae proffil graddau’r ysgol ar draws y saith
cwestiwn allweddol mae Estyn yn eu gofyn wrth asesu perfformiad yn
ategu’r dyfarniad hwn ac yn gyfuniad o raddau 1 a 2 . Mewn
perthynas â Chwestiwn Allweddol 3 sy’n gofyn pa mor dda
y mae profiadau dysgu yn cwrdd ag anghenion a diddordebau dysgwyr
a’r gymuned ehangach, dywed yr Arolygydd bod cyfarfodydd
addoli ar y cyd yn yr ysgol a’r trafodaethau yn y gwersi yn
cyfrannu’n dda iawn at ddealltwriaeth disgyblion o faterion
moesol ac ysbrydol ac yn eu helpu i barchu amrywiaeth, gwirionedd a
chyfiawnder. Cyfeiria’r Arolygydd at gyswllt yr ysgol â
Chlwb yr Henoed ac at ei gweithgareddau Urdd, a hefyd cyfranogiad
yr ysgol mewn cyngherddau a chystadlaethau sy’n gyfryngau
effeithiol i hyrwyddo datblygiad cymdeithasol a diwylliannol
y disgyblion. Mae cyswllt agos yr ysgol gydag ysgol yn Lesotho ac
astudiaethau’r ysgol o ardal yn India yn fodd o hyrwyddo
ymwybyddiaeth a dealltwriaeth o ddiwylliannau eraill.
|
|
|
|
|
|
Yng nghyswllt Addysg Grefyddol, bu i’r Arolygydd
ddyfarnu Gradd 1 i’r pwnc yn CA1 sy’n golygu
|
|
|
|
ei fod yn dda gyda nodweddion rhagorol, a Gradd 2
i’r pwnc yn CA2, h.y. y canfuwyd nodweddion da a dim
diffygion pwysig. Noda’r Arolygydd y wybodaeth dda iawn sydd
gan disgyblion CA1 am y Beibl fel nodwedd rhagorol. At hynny, maent
yn gallu trafod y Beibl yn hyderus gan ddangos ymwybyddiaeth
o’i bwysigrwydd fel llyfr sanctaidd. Cyfeirai’r
Arolygydd hefyd ar drylwyredd y wybodaeth sydd gan disgyblion CA 1
am brif nodweddion ac arferion y grefydd Iddewig fel elfen o
ragoriaeth y pwnc yn CA1.
|
|
|
|
|
Ÿ
|
Ysgol Gymuned Llanfechell
|
|
|
|
|
|
Mae proffil graddau Ysgol Gymuned Llanfechell yn arbennig
o gryf gyda Gradd 1 wedi’i ddyfarnu i’r ysgol ar draws
y saith cwestiwn allweddol. Dywed yr Arolygydd mewn perthynas
â Chwestiwn Allweddol 3 bod cyfarfodydd addoli ar y cyd yn yr
ysgol yn cyfrannu’n dda iawn at hybu dealltwriaeth disgyblion
o faterion moesol ac ysbrydol ac yn eu helpu i barchu amrywiaeth,
gwirionedd a chyfiawnder.
|
|
|
|
|
|
|
|
|
|
Mae proffil graddau Ysgol Llangaffo yn gyfuniad o raddau 2
a 3, sef bod yna nodweddion da wedi’u canfod a dim
diffygion pwysig mewn pump allan o’r saith cwestiwn allweddol
a bod nodweddion da yn gorbwyso diffygion o ran y ddau gwestiwn
allweddol arall (yn ymwneud ag agweddau rheolaethol,
arweinyddiaeth, arfarnu a gwella ansawdd a safonau). Dywed yr
Arolygydd mai rhinwedd arbennig Ysgol Llangaffo yw’r
ymdeimlad o gymuned deuluol ac agosatrwydd ei disgyblion, a’i
bod yn sefydliad hapus iawn. Mewn perthynas â Chwestiwn
Allweddol 3, noda’r Arolygydd bod yr ysgol yn rhoi sylw da i
ddatblygiad moesol, cymdeithasol a diwylliannol y disgyblion, a bod
amser cylch, addysg grefyddol a thrafodaethau dosbarth am faterion
cymdeithasol, ysbrydol a moesol, yn rhan annatod o fywyd yr
ysgol.
|
|
|
|
|
|
Dygodd y Parch. Canon Tegid Roberts sylw’r CYSAG at
y ffaith bod Ysgol Llangaffo yn rhinwedd ei statws fel Ysgol Eglwys
wedi bod yn destun arolygiad gan yr Eglwys yn ddiweddar hefyd, ac
mai ef a gynhaliodd yr arolygiad hwnnw. Roedd copi o adroddiad
Arolygiad yr Eglwys wedi cael ei anfon at yr Awdurdod Addysg.
Adroddodd ei fod wedi bod yn bresennol mewn dwy sesiwn addoli ar y
cyd yn yr ysgol a’i fod wedi eu cael yn brofiad bendigedig.
Roedd y disgyblion wedi bod ar bererindod i Ynys Llanddwyn, a
gwelodd bod yr ymweliad wedi bod yn brofiad ysbrydol i’r
disgyblion a’i fod yn cael ei adlewyrchu yn yr achlysuor
addoli ar y cyd ac yn ategu ethos yr ysgol.
|
|
|
|
|
|
Adroddodd y Pennaeth Gwasanaeth (Addysg) mai’r drefn
yw bod copi o adroddiad arolygiad gan yr Eglwys yn cael ei gyflwyno
i’r CYSAG ar yr un pryd ag adroddiad Estyn, ac awgrymodd, gan
nad oedd adroddiad yr Eglwys yn gynwysiedig yn mhapurau rhaglen y
cyfarfod hwn, ei fod yn cael ei gylchredeg i aelodau yn y bythefnos
nesaf fel nad yw’n colli ei berthnasedd.
|
|
|
|
|
|
Sylwodd y Parch. Canon Tegid Roberts bod yr adroddiad yn
ei gyfanrwydd yn adroddiad swmpus ac efallai mai priodol fyddai
dethol y rhannau perthnasol ohono i’w rhannu gydag
aelodau’r CYSAG. Fel arall, roedd ef yn fodlon ei fod wedi
cael y cyfle fel yr arolygwr yn yr achos hwn, i gyflwyno naws
casgliadau arolygiad yr Eglwys o Ysgol Llangaffo i aelodau’r
CYSAG.
|
|
|
|
|
|
Mynegodd aelodau’r CYSAG eu parodrwydd i dderbyn
sylwadau llafar y Parch. Canon Tegid Roberts ynglyn â’r
arolygiad Eglwys o Ysgol Llangaffo, a bod adroddiad arolygiad yr
Eglwys yn cael ei gyflwyno i’r CYSAG ynghlwm wrth
arolygiad Estyn ar yr achlysur nesaf y caiff ysgol eglwys ei
harolygu. Cytunwyd hefyd bod yna lythyru’r dair ysgol yn y
modd arferol i’w llongyfarch ar eu llwyddiannau ac i ddiolch
iddynt am eu gwaith caled.
|
|
|
|
|
|
|
|
|
4.1
|
Nodi’r wybodaeth o adroddiadau arolwg Estyn o
Ysgol Gynradd Esceifiog, Ysgol Gymuned Llanfechell ac Ysgol
Llangaffo ynghyd â’r adborth llafar ynglyn ag arolygiad
yr Eglwys o Ysgol Llangaffo.
|
|
|
4.2
|
Bod adroddiad ysgrifenedig o arolwg yr Eglwys yn cael
ei gyflwyno i’r CYSAG ar yr un pryd ag adroddiad Estyn ar yr
achlysur nesaf y caiff ysgol eglwys ei harolygu.
|
|
|
4.3
|
Gofyn i’r Pennaeth Gwasanaeth (Addysg) anfon
llythyr ar ran y CYSAG i benaethiaid y dair ysgol i’w
llongyfarch ar lwyddiannau a chyflawniadau eu hysgolion.
|
|
|
|
|
5
|
ARHOLIADAU ALLANOL HAF 2008
|
|
|
|
|
|
Cyflwynwyd - Adroddiad gan Ymgynghorydd y Dyniaethau yn
ymgorffori gwybodaeth am ganlyniadau Addysg Grefyddol yn
arholiadau’r Haf, 2008.
|
|
|
|
|
|
Adroddodd Ymgynghorydd y Dyniaethau bod canlyniadau CA3 yn
cael eu cyflwyno er gwybodaeth yn unig. Daw adrannau i farn am
gyflawniad disgyblion ar sail gwaith y flwyddyn, tasgau asesu
penodol a phrofion. Fodd bynnag, nid yw’r disgyblion yn
sefyll yr un profion na thasgau asesu cyffredin ac nid yw’r
athrawon yn cael cyfleoedd rheolaidd i safoni gwaith eu disgyblion
gydag adrannau eraill. Gall athrawon gyfeirio at y gyfrol Mesur
Cynnydd mewn Addysg Grefyddol (Gwynedd a Môn 2001) er mwyn
adnabod nodweddion lefelau penodol. Dosbarthwyd Deunyddiau Asesu
Dewisol Addysg Grefydol gan ACCAC yn 2005; mae’r rhain hefyd
yn cynnig tasgau a chanllawiau asesu i athrawon. Nid yw Llywodraeth
Cynulliad Cymru yn casglu data Addysg Grefyddol ond mae Cynnal wedi
casglu asesiadau athrawon o gyrhaeddiad disgblion CA3 mewn Addysg
Grefyddol ers 1999.
|
|
|
|
|
|
Mae’r Cwricwlwm wedi newid yn 2008 ac i
bynciau sylfaen, mae Llywodraeth y Cynulliad (yn gweithredu trwy
APADGOS) wedi sefydlu cymedrolwyr allanol i arsylwi ar bortffolios
o waith disgyblion CA3 a hynny fel rhan o gynllun peilot i gychwyn.
Dyma’r tro cyntaf yn hanesyddol felly iddo fod yn bosibl i
gymharu perfformiad disgyblion ar ddiwedd CA3.
|
|
|
|
|
|
O ran canlyniadau TGAU Astudiaethau Crefyddol 2008, gellir
adrodd bod y canlyniadau yn rhai da gyda’r manylion
wedi’u nodi isod:
|
|
|
|
|
Ÿ
|
155 o ymgeiswyr yn 114 o ferched a 41 i fechgyn sydd yn
uwch na niferoedd y flwyddyn gynt, sef 58;
|
|
|
Ÿ
|
disgyblion o 4 o ysgolion Môn yn sefyll arholiad
TGAU, gyda’r niferoedd yn amrywio o 22 mewn un ysgol i 53
mewn ysgol arall;
|
|
|
Ÿ
|
canlyniadau’r merched yn rhagori ar rai’r
bechgyn;
|
|
|
Ÿ
|
bu i bawb lwyddo i ennill gradd TGAU (cwrs llawn) gyda
83.9% yn ennill gradd A*-C, a 38.1% yn ennill gradd
A*/-A;
|
|
|
Ÿ
|
cyfartaledd sgôr yn y pwnc yn 5.9 sy’n
sylweddol uwch na’r sgôr o 5.1 yn y pynciau
eraill;
|
|
|
Ÿ
|
sgôr gyfartalog y merched (6.1) yn sylweddol uwch
na’u sgôr yn y pynciau eraill (5.2) a sgôr
gyfartalog y bechgyn (5.2) ychydig yn uwch na’u sgôr
gyfartalog yn y pynciau eraill (5.1).
|
|
|
|
|
|
Roedd y canlyniadau TGAU - Astudiaethau Crefyddol (Cwrs
Byr) 2008 hefyd yn dda fel y dengys yr ystadegau isod -
|
|
|
|
|
Ÿ
|
125 o ymgeiswyr yn 78 o ferched a 47 o fechgyn, sydd yn is
na nifer y flwyddyn flaenorol, sef 207. Roedd 124 ymgeisydd yn
2006. Felly mae poblogrwydd y cwrs byr yn cynyddu;
|
|
|
Ÿ
|
disgyblion o 2 o ysgolion Môn yn sefyll arholiad
cwrs byr TGAU, gyda’r niferoedd yn amrwyio o 48 mewn un ysgol
i 77 yn yr ysgol arall;
|
|
|
Ÿ
|
canlyniadau’r merched yn rhagori ar rai’r
bechgyn;
|
|
|
Ÿ
|
bu i 99.2% lwyddo i ennill gradd TGAU (cwrs byr), gyda
78.4% yn ennill gradd A* i C, a 34.4% o’r ymgeiswyr yn ennill
gradd A*/A.
|
|
|
|
|
|
Gellir adrodd bod canlyniadau arholiadau Safon Uwch
Astudiaethau Crefyddol 2008 yn rhai da iawn fel yr ategir gan
y manylion isod -
|
|
|
|
|
Ÿ
|
54 o ymgeiswyr yn 47 o ferched a 7 bachgen (57 ymgeisydd
yn 2007);
|
|
|
Ÿ
|
ymgeiswyr o 4 ysgol uwchradd yn y sir gyda maint y
dosbarthiadau’n amrwyio o 3 i 24 disgybl;
|
|
|
Ÿ
|
100% o’r ymgeiswyr yn ennill gradd Safon
Uwch;
|
|
|
Ÿ
|
sgôr gyfartalog y pwnc yn yn ysgolion yw 97.0
sy’n uwch na’r sgôr gyfartalog yn y pynciau
eraill (92.5);
|
|
|
Ÿ
|
canlyniadau’r merched yn rhagori ar rai’r
bechgyn. Mae sgôr gyfartalog y merched (98.3) ychydig yn uwch
na’u sgôr yn y pynciau eraill (93.1) a sgôr
gyfartalog y bechgyn (88.6) yn uwch na’u sgôr
gyfartalog yn y pynciau eraill (86.3).
|
|
|
|
|
Yn yr un modd, mae
canlyniadau arholiadau Uwch Gyfrannol 2008 hefyd yn dda iawn fel y
dangosir isod -
|
|
|
|
Ÿ
|
78 o ymgeiswyr yn 71 o ferched a 4 bachgen o’i
gymharu â 73 ymgeisydd yn 2007;
|
|
|
Ÿ
|
ymgeiswyr o 4 ysgol uwchradd yn y sir gyda maint y
dosbarthiadau yn amrywio o 7 i 36 disgybl;
|
|
|
Ÿ
|
97.4% o’r ymgeiswyr yn ennill gradd Uwch Gyfrannol,
gyda 76.9% yn ennill gradd A-C a 35.9% yn ennill gradd
A;
|
|
|
Ÿ
|
Mae sgôr gyfartalog y pwnc yn yr ysgolion (45.9) yn
uwch na sgôr gyfartalog y pynciau eraill (43.9);
|
|
|
Ÿ
|
canlyniadau’r merched yn rhagori ar
ganlyniadau’r bechgyn. Mae sgôr gyfartalog y merched
(45.1) yn uwch na’u sgôr yn y pynciau erill (44.3) a
sgôr gyfartalog y bechgyn (42.5) yn sylweddol uwch na’u
sgôr gyfartalog yn y pynciau eraill (34.0).
|
|
|
|
|
Cyfeiriodd y Pennaeth
Gwasanaeth (Addysg) at y Tabl yn yr adroddiad oedd yn dangos yr
ystadegau mewn perthynas â safonau CA3 ar lefel ysgol unigol,
a sylwodd bod yna gryn amrywiaeth yn yr ystadegau ar sail lefelau o
ran Ysgol Uwchradd Caergybi, a bod y canlyniadau yn isel ar gyfer
lefel 7 yn benodol.
|
|
|
|
Adroddodd Ymgynghorydd y
Dyniaethau ei fod efallai’n bosibl priodoli’r
anghysonderau i natur disgyblion yr ysgol a’r ffaith nad oes
yn yr ysgol amrediad mor eang o alluoedd. Gall Cynnal
gefnogi’r Adran Addysg Grefyddol wrth wirio asesiadau
athrawon ym mis Mai eleni ac fe all athrawon ddod at ei gilydd i
sicrhau bod lefel 7 yn gyson ar draws yr ysgolion.
|
|
|
|
Awgrymodd y Pennaeth
Gwasanaeth (Addysg) oherwydd yr anghysonderau ar draws y lefelau yn
CA3 yn benodol mewn perthynas ag Ysgol Uwchradd Caergybi, ac yng
ngoleuni’r pryderon fu gan y CYSAG ynglyn â sefyllfa
Addysg Grefyddol yn yr ysgol honno, bod y CYSAG yn nodi ei
ddymuniad i weld y gefnogaeth a’r gynhaliaeth a roddir gan
Cynnal i’r Adran yn parhau o dan y Cytundeb Lefel Gwasanaeth.
Er gwybodaeth i’r aelodau hynny nad oeddent yn gyfarwydd
â chefndir pryderon y CYSAG ynghylch Ysgol Uwchradd Caergybi,
bu i’r Pennaeth Gwasanaeth (Addysg) adrodd yn fras bod y
consyrn hwnnw yn deillio o’r ffaith nad oedd gan yr ysgol
berson yn arwain ar Addysg Grefyddol oedd yn gymwys yn y pwnc.
Bellach, fe benodwyd unigolyn cymwys yn Bennaeth Adran Addysg
Grefyddol Ysgol Uwchradd Caergybi ond gan ei fod yn ddi-brofiad,
bu’n derbyn cefnogaeth gan Cynnal.
|
|
|
|
Croesawodd yr
aelodau’r adroddiad yn gyffredinol fel un i ymfalchio ynddo a
chytunwyd y dylid llythyru penaethiaid adran y bedair ysgol
uwchradd i’w llongyfarch ar ganlyniadau mor dda.
|
|
|
|
Penderfynwyd
-
|
|
|
|
5.1
Derbyn adroddiad Ymgynghorydd y
Dyniaethau ynglyn â chanlyniadau Addysg Grefyddol yn
arholiadau allanol 2008 a nodi ei gynnwys;
|
|
5.2
Gofyn i’r Pennaeth Gwasanaeth
(Addysg) lythyru Penaethiaid Adran Addysg Grefyddol y bedair ysgol
uwchradd berthnasol i gyfleu iddynt longyfarchiadau’r CYSAG
ar eu llwyddiannau;
|
|
5.3
Yng ngoleuni’r anghysonderau ar
draws rhai o’r lefelau yn CA3 mewn perthynas ag Ysgol
Uwchradd Caergybi, bod Cynnal yn parhau i gefnogi Adran Addysg
Grefyddol Ysgol Uwchradd Caergybi o dan y Cytundeb Lefel
Gwasanaeth.
|
|
|
|
6
|
ADRODDIAD BLYNYDDOL CYSAG YNYS MÔN
|
|
|
|
|
Cyflwynwyd - Drafft o
Adroddiad Blynyddol CYSAG Ynys Môn am 2007/08.
|
|
|
|
Tra roedd yr aelodau yn
gytun ar gynnwys yr adroddiad bu iddynt gynnig mân
ddiwygiadau iddo ar sail cywirdeb a chysondeb fel a ganlyn
-
|
|
|
|
Tudalen 5
|
|
|
|
Ÿ
|
y frawddeg o dan baragraff 2.3 yn y fersiwn Saesneg yn
anghyflawn;
|
|
|
Ÿ
|
parthed y trydydd pwynt bwled o dan baragraff 2.3.1 yn y
fersiwn Saesneg - ychwanegu’r rhif 3 ar ôl
Key Question;
|
|
|
Ÿ
|
parthed y tabl o dan baragrff 2.3.2, diwygio’r
cyfeiriad at CA5 i ddarllen chweched dosbarth fel ei fod yn
cyd-fynd â’r fersiwn Saesneg.
|
|
|
|
|
Tudalen 19
|
|
|
|
Ÿ
|
Diwygio’r cyfeiriad at Mr Carol Llewelyn Jones yn y
fersiwn Gymraeg a’r fersiwn Saesneg i ddarllen Mrs Carol
Llewelyn Jones;
|
|
|
Ÿ
|
Diwygio’r cyfeiriad at y Parchedig Tegid Roberts yn
y fersiwn Gymraeg i ddarllen y Parchedig Canon Tegid Roberts ac yn
y fersiwn Saesneg i ddarllen the Rev.Canon Tegid
Roberts.
|
|
|
|
|
Cytunwyd y byddai aelodau
yn rhoi gwybod i Ymgynghorydd y Dyniaethau am unrhyw fân
ddiwygiadau eraill o’r natur uchod y digwydd iddynt ddod ar
eu traws wrth fynd trwy’r Adroddiad Blynyddol, a bod ganddynt
hyd at ddiwedd y mis i wneud hynny er mwyn galluogi Ymgynghorydd y
Dyniaethau wedyn i lunio fersiwn derfynol a’i chyflwyno yn
ôl y gofyn i Lywodraeth Cynulliad Cymru cyn diwedd y
flwyddyn.
|
|
|
|
Fe godwyd un pwynt trafod
neilltuol mewn perthynas â’r paragraff olaf o dan gymal
2.4 ar dudalen 8 yr adroddiad sy’n cyfeirio at benderfyniad a
wnaed gan y CYSAG ym mis Mehefin 2005 y dylai’r CYSAG dderbyn
copi o hunan arfarniad ysgolion sy’n derbyn arolygiadau pan
nad oes yna adroddiad penodol ar Addysg Grefyddol, yn y flwyddyn
pan arolygir yr ysgol. Dywed brawddeg olaf y paragraff hwn na
dderbyniwyd copiau o adroddiadau hunan arfarnu yn ystod y flwyddyn
a chwestiynodd y Cadeirydd a oedd gwir angen cynnwys y gosodiad hwn
yn arbennig am ei fod yn tynnu sylw at y ffaith na
weithredwyd ar y penderfyniad, a holodd pam na chyflwynwyd
adroddiadau hunan-arfarnu gerbron y CYSAG.
|
|
|
|
Adroddodd y Pennaeth
Gwasanaeth (Addysg) ei fod yn ei hanfod yn fater o sefydlu trefn
weinyddol addas fydd yn golygu bod y CYSAG yn derbyn adroddiadau
hunan arfarnu’r ysgolion yn systematig ar yr amser priodol,
ac awgrymodd bod yna ofyn i’r ysgolion gyflwyno’r
cyfryw adroddiadau yn y llythyr o gydnabyddiaeth yr anfonir
atynt ar ôl i’r CYSAG dderbyn casgliadau adroddiadau
arolygu Estyn.
|
|
|
|
Atgoffodd y Cadeirydd
aelodau’r CYSAG bod ganddynt ddyletswydd statudol i fonitro
safonau Addysg Grefyddol yn ysgolion y sir a’r unig ffordd y
gallant wneud hynny’n effeithiol os nad yw Estyn wedi
arolygu’r pwnc yw trwy dderbyn adroddiad hunan
arfarnu’r ysgol unigol. Yn dilyn trafodaeth o’r mater,
cytunwyd y dylid dileu brawddeg olaf paragraff 2.4 ar dudalen 8,
gan nodi bod y CYSAG yn cydnabod bod angen gweithredu’r
penderfyniad a wnaed yn 2005 o hyn allan a’i fod yn ymddiried
i’r swyddogion lunio trefn fydd yn galluogi gwneud
hynny.
|
|
|
|
Penderfynwyd
-
|
|
|
|
6.1
Cymeradwyo’r Adroddiad
Blynyddol drafft am 2007/08 yn amodol ar -
|
|
|
|
Ÿ
|
weithredu’r mân ddiwygiadau ar sail
cywirdeb y cyfeiriwyd atynt uchod;
|
|
|
Ÿ
|
ddileu brawddeg olaf y paragraff olaf o dan gymal 2.4
ar dudalen 8 yr adroddiad.
|
|
|
|
|
6.2
Bod aelodau’r CYSAG yn rhoi gwybod
i Ymgynghorydd y Dyniaethau am unrhyw fân ddiwygiadau pellach
i’r Adroddiad Blynyddol erbyn diwedd mis Hydref.
|
|
6.2
Cytuno bod angen gweithredu yn y dyfodol
ar y penderfyniad a wnaed gan y CYSAG yn 2005 ei fod yn derbyn copi
o adroddiadau hunan arfarnu ysgolion gan ofyn i’r swyddogion
lunio trefn sy’n galluogi gwneud hynny orau.
|
|
6.2
Diolch i Ymgynghorydd y Dyniaethau am ei
gwaith arferol ar yr Adroddiad Blynyddol.
|
|
|
|
7
|
CD - A JEWISH WAY OF LIFE
|
|
|
|
|
Adroddodd Ymgynghorydd y
Dyniaethau ei bod yn derbyn nifer o geisiadau gan fudiadau
crefyddol i ddosbarthu deunyddiau i ysgolion, ac atgoffodd
aelodau’r CYSAG mai eu cyfrifoldeb hwy fel corff yw
penderfynu a yw deunyddiau yn addas i’w dosbarthu i ysgolion.
Oddeutu dwy flynedd yn ôl cymeradwyd cais gan RE Quest am
gael cylchredeg CD ar destun Sut
Beth yw bod yn Gristion i ysgolion, ac
mae RE Quest wedi gofyn eto am gael dosbarthu diweddariad ar y CD
hwnnw, sef Christianity
Unpacked sy’n gyfres o dair CD yn
cwmpasu gwahanol agweddau o’r bywyd Cristnogol.
|
|
|
|
Rhoddodd Ymgynghorydd y
Dyniaethau wybod i’r CYSAG bod cais arall wedi dod i
law gan y Pears Foundation am gael dosbarthu’r CD a
nodir uchod, sef A Jewish Way of
Life sydd wedi’i ariannu gan y
Foundation. Sylwodd mai priodol oedd i’r aelodau gael blas ar
gynnwys y CD cyn iddynt ddod i benderfyniad ynghylch addasrwydd ei
ddosbarthu i ysgolion y sir, ac fe ddangosodd clip o’r CD
i’r aelodau. O safbwynt proffesiynol, roedd hi’n fodlon
gyda chynnwys y CD sydd wedi’i rhannu i dair rhan, sef
Who We Are; What We Do,
a What We
Believe. Ceir rhagair i’r CD gan
yr Athro Arglwydd Robert Winston ac mae’r CD yn cyflwyno
bachgen a merch, David a Sara, sy’n tywys y gynulleidfa
trwy’r ffydd Iddewig. Cyfeiria’r CD at hanes yr Iddewon
ym Mhrydain ac ar draws y byd, ac mae’n esbonio rhai o
nodweddion y ffydd yn ymwneud ag ymlynu wrth y rheolau am fwyd,
addoli; gwerthoedd; y Torah ac Israel. Awgrymodd bod y CD yn cael
ei ddosbarthu i ysgolion y sir o dan lythyr yn enw’r CYSAG.
Er bod aelodau’r CYSAG yn gefnogol i’r awgrym hwn
fe godwyd cwestiwn ynghylch argaeledd y CD yn y Gymraeg. Sylwodd
Ymgynghorydd y Dyniaethau y byddai’n codi’r mater
gyda’r swyddog priodol yn APADGOS.
|
|
|
|
Penderfynwyd
cymeradwyo’r CD - A Jewish Way of Life gan y Pears Foundation
i’w ddosbarthu i ysgolion y sir.
|
|
|
|
|
|
|
|
Adroddodd Ymgynghorydd y
Dyniaethau ar lafar ar drafodaethau’r Gynhadledd ar Addysg
Grefyddol i Oedolion Ifanc 14-19 oed a gynhaliwyd ar ddydd Sadwrn,
4 Hydref, 2008, o dan nawdd APADGOS a Chymdeithas CYSAGau
Cymru. Estynwyd gwahoddiad i’r gynhadledd hon i benaethiaid
ysgol, dirprwyon a phenaethiaid adrannau addysg grefyddol ac
fe’i cynhaliwyd ar ddau safle (wedi’u cysylltu trwy
gyfrwng offer fideo gynadledda), y naill yn Ysgol Uwchradd Gatholig
Sant Richard Gwynn yn y Fflint a’r llall yng Ngholeg Dewi
Sant, Caerdydd.
|
|
|
|
Bu’r diwrnod yn
arbennig o lwyddiannus ac yn un oedd wedi’i lenwi gyda
chyfres o gyflwyniadau cryno a chaboledig ynghyd â gweithdai
amrywiol. Ymhlith y cyflwyniadau cafwyd amlinelliad gan Denize
Morris (Swyddog Pwnc APADGOS) o gyfraniad Addysg Grefyddol
i’r dysgu craidd ar gyfer dysgwyr 14-19 oed. Disgrifiodd Lat
Blaylock (RE Today) mewn cyflwyniad brwdfrydig a chynhyrchiol, y
cynadleddau undydd a gynhelir gan y mudiad DARE2ENGAGE ac y gellir
eu defnyddio gyda dosbarthiadau chweched dosbarth i’w hannog
i “Ymdrin â’r Ysbrydol.” Mae’r
deunydd hwn wedi’i gasglu ynghyd mewn ffeil o adnoddau sydd
ar gael yn y Gymraeg, a rhaid nodi gwerthfawrogiad o’r
gefnogaeth ariannol gafwyd gan Fudiad Addysg Grefyddol Cymru a rhai
enwadau eraill ar gyfer ei gyfieithu.
|
|
|
|
Cafwyd cyflwyniad gan Emyr
Williams ac Alice Pyke, sef myfyrwyr graddedig Addysg Grefyddol a
siaradodd am eu profiadau personol o Addysg Grefyddol a pham y
cawsant eu hysbrydoli gan y pwnc. Rhannwyd hefyd ymatebion y Ddraig
Ffynci i holiaduron a luniwyd er mwyn cywain barn pobl ifanc yng
Nghymru ynghylch addysg grefyddol; gwelwyd bod llawer o bobl ifanc
yn awyddus i drafod mwy ar faterion yn ymwneud â chrefydd. Bu
i Pam Kelly, Ditectif Prif Arolygydd Heddlu Dyfed Powys sôn
am pa mor bwysig ydyw i heddweision fod â dealltwriaeth o
ddiwylliant a daliadau crefyddol y cymunedau hynny maent yn eu
gwasanaethau. Mae’r Heddlu, fel gwasanaethau cyhoeddus
eraill, yn croesawu ymgeiswyr sydd wedi astudio addysg grefyddol yn
yr ysgol neu’r coleg. Dangosodd Ian Russell, Athro Iechyd
Cyhoeddus Prifysgol Bangor nad yw hyfforddiant proffesiynol i
weithwyr iechyd hyd yma wedi archwilio’n llawn dylanwad
credoau a ffydd mewn iechyd - mae cyfraniad addysg grefyddol felly
yn bwysig. Croesawodd Jane Hutt, Gweinidog yr Adran Plant, Dysgu
Gydol Oes a Sgiliau ymdrechion athrawon, swyddogion AALl, APADGOS a
Chymdeithas CYSAGau Cymru i gydweithio i ddarparu profiadau Addysg
Grefyddol da a chydlynus i bobl ifanc Cymru.
|
|
|
|
Yn ystod prynhawn y dydd
Sadwrn, cynhaliwyd cyfres o weithdai a chafodd y cynadleddwyr gyfle
i dreialu rhai o weithgraeddau DARE2ENGAGE. Cafwyd profiad hefyd
o’r gwaith mae Rachel Thomas, athrawes o Ysgol Gyfun Cwm
Rhymni a Rhian Davies, athrawes o Ysgol Brenin Harri VII, Y Fenni
yn ei wneud trwy ddefnyddio casgliad o e-clips y BBC i ddatblgu
deunyddiau ar gyfer disgyblion ôl-16 o dan y teitl,
Addysg Grefyddol - Addysg Ryfeddol. Cynhwysa’r
deunyddiau DVD o’r clipiau fideo, cynllun gwaith
enghreifftiol a thaflenni gwaith, a bwriad APADGOS yw
dosbarthu’r deunyddiau yma i bob ysgol yng Nghymru.
Bydd y pecyn Cymraeg yn cynnwys unedau megis - Aberthu Addoldai - Colli Cymuned; Trychinabeu Naturiol
- Pwys sy’n Becso;
Beth sydd ar y
Fwydlen; Ymrwymiad ac Ysbrydoliaeth - Beth yw’r
Amheuaeth; tra bydd y pecyn
Saesneg yn cynnwys unedau megis - Who are the Peacemakers; Can the Media be
Trusted; Religion and the Restaurant
Business; Jewellery or Symbol of Faith; Whose Law is it Anyway; Everyone Equal a
Why Should We Help
Others.
|
|
|
|
Yn olaf cafwyd cyfle dan
arweinyddiaeth Gavid Craigen, Cymdeithas CYSAGau Cymru i bori dros
rhai o’r astudiaethau achos sydd wedi’u cynnwys fel
rhan o ddogfen APADGOS, Addysg
Grefyddol - Canllawiau ar gyfer Dysgwyr 14-19 oed
sy’n dangos cyfraniad addysg grefyddol
at y Llwybrau Dysgu 14-19 oed a’r dulliau cyflwyno posibl
sydd ar gael i ysgolion. Mae un athro ac un athrawes uwchradd wedi
defnyddio cyllid y Cyngor Addysgu i’w rhyddhau am gyfnod
Sabbothol i ddatblygu deunyddiau ac ymhlith y detholid o
ddeunyddiau a ranwyd yn y gynhadledd oedd rhai ar
destun Beth yw Hapusrwydd ac
Effeithiolrwydd yn yr Unfed Ganrif ar Hugain, a Thwristiaeth Eco ac
Ethegol.
|
|
|
|
Diweddodd Ymgynghorydd y
Dyniaethau ei hadroddiad trwy nodi bod diolch yn ddyledus i
Bennaeth Adran Addysg Grefyddol Ysgol Uwchradd Caergybi am
fynychu’r gynhadledd uchod.
|
|
|
|
Diolchodd y Cadeirydd i
Ymgynghorydd y Dyniaethau am ei hadborth diddorol o’r
Gynhadledd Addysg Grefyddol Ôl-16, a phwysleisiodd ei fod yn
bwysig hefyd cynnwys y sector addysg uwch yn y trefniadau ar gyfer
dosbarthu’r deunyddiau y cyfeiriwyd atynt uchod, ac awgrymodd
bod yna atgoffa APADGOS o hynny.
|
|
|
|
Rhoddodd y Pennaeth
Gwasanaeth (Addysg) wybod i’r CYSAG bod penaethiaid uwchradd
Ynys Môn wedi derbyn arweiniad gan Ymgynghorydd y Dyniaethau
trwy’r grwp stratgeol uwchradd ynglyn ag addysg grefyddol
ôl-16 er mwyn sicrhau eu bod yn cydymffurfio
â’r gofyn statudol yn hyn o beth, ynghyd ag awgrymiadau
ynglyn â ffyrdd amgen o gyflwyno Addsg Grefyddol i’r
garfan hon o ddisgyblion.
|
|
|
|
Penderfynwyd nodi
adroddiad Ymgynghorydd y Dyniaethau o’r Gynhadledd Addysg
Grefyddol Ôl-16, gan ddioch iddi am yr adborth.
|
|
|
|
|
|
|
|
Adroddodd y Pennaeth
Gwasanaeth (Addysg) am yr ohebiaeth ganlynol oedd wedi dod i law
-
|
|
|
|
9.1
Llythyr oddi wrth Tania ap Siôn,
Ysgrifennydd Cymdeithas CYSAGau Cymru dyddiedig 12 Medi, 2008, yn
ail fynegi pryderon ynglyn â lefel presenoldeb mewn
cyfarfodydd o’r Gymdeithas gyda chyfeiriad penodol at
gyfarfod CCYSAGC ar 26 Mehefin yn Yr Wyddgrug. Dywed yr
Ysgrifennydd bod diffyg cynrychiolwyr o du athrawon yn destun
pryder arbennig a noda’r angen am i Awdurdodau Addysg Lleol
alluogi cynrychiolwyr athrawon o’u CYSAGau fynychu
cyfarfodydd, drwy dalu am athrawon llanw i gyflenwi drostynt, a
thalu eu treuliau teithio.
|
|
|
|
|
Trafododd y CYSAG sut orau i hwyluso presenoldeb
cynrychiolwyr yr athrawon mewn cyfarfodydd o Gymdeithas CYSAGau
Cymru. Sylwyd bod rhai cyrff CYSAGau yn cynnwys cynrychiolwyr
ysgolion fel grwp yr athrawon, ac awgrymwyd hwn fel ffordd o
oresgyn y broblem. Dygwyd sylw fodd bynnag at y ffaith bod
cyfansoddiad CYSAG Ynys Môn yn pennu bod y grwp athrawon
wedi’i gyfansoddi o blith cynrychiolwyr undebau’r
athrawon, a bod cyfansoddiad cyrff CYSAGau yn dueddol o
amrywio o gorff i gorff. Cynigiwyd bod ystyriaeth yn cael ei
roi i newid y cyfansoddiad fel bod y grwp athrawon yn cynnwys
cynrychiolwyr o blith ysgolion ac o blith undebau’r athrawon.
Rhoddodd y Cadeirydd wybod i’r aelodau mai gan y Cyngor Sir
mae’r hawl i newid cyfansoddiad y CYSAG, ac fe all y CYSAG
ond gofyn iddo ystyried gwneud hynny.
|
|
|
|
|
|
Awgrymodd y Pennaeth Gwasanaeth (Addysg) bod hwn yn fater
o bwys y dylid rhoi sylw haeddiannol iddo yng nghyfarfod neasf y
CYSAG ac fe gytunwyd ar hynny. Dygodd sylw’r CYSAG at y
ffaith bod Cylchlythyr 10/94 yn nodi y dylai’r Awdurdod
Addysg Lleol dalu costau athrawon llanw i gyflenwi dros
gynrychiolwyr athrawon ar gorff y CYSAG, a dywedodd bod CYSAG
Môn wedi derbyn yr egwyddor hon. Sylwodd er bod problem gyda
phresenoldeb wedi cael ei hadnabod, roedd yn gysur gallu dweud
bod CYSAG Ynys Môn wedi’i gynrychioli’n
rheolaidd mewn cyfarfodydd o Gymdeithas CYSAGau Cymru.
Atgoffodd yr aelodau mai Mrs Heledd Hearn yw
cynrychiolydd enwebedig grwp athrawon CYSAG Môn mewn
cyfarfodydd Cymdeithas CYSAGau Cymru, ac awgrymodd ei fod yn gofyn
i Mrs Heledd Hearn a’i chyd-aelodau o’r grwp athrawon i ddod i drefniant
fydd yn golygu os nad yw Mrs Hearn yn gallu ymbresenoli mewn
cyfarfod o’r Gymdeithas, bod un ohonynt yn mynychu’r
cyfarfod, a bod Mrs Helen Roberts yn cael ei chynnwys yn y
trefniadau hefyd.
|
|
|
|
|
|
|
|
|
Ÿ
|
Bod ystyriaeth yn cael ei roi i gyfansoddiad y CYSAG
yn ei gyfarfod nesaf yng nghyd-destun mater presenoldeb
cynrychiolwyr grwp yr athrawon mewn cyfarfodydd o Gymdeithas
CYSAGau Cymru.
|
|
|
Ÿ
|
Gofyn i’r Pennaeth Gwasanaeth (Addysg) gysylltu
gyda Mrs Heledd Hearn i ofyn iddi a’i chyd-aelodau o’r
grwp athrawon i ddod i drefniant fydd yn golygu, os nad yw Mrs
Hearn fel y cynrychiolydd enwebedig yn gallu ymbresenoli mewn
cyfarfod o’r Gymdeithas,
bod un o’r grwp yn mynychu
cyfarfodydd Cymdeithas CYSAGau Cymru a bod Mrs Helen Roberts yn
cael ei chynnwys yn y trefniadau hefyd.
|
|
|
|
|
9.2
Llythyr oddi wrth Tania ap Sion, Ysgrifennydd
Cymdeithas CYSAGau Cymru dyddiedig 24 Medi, 2008, yn amgau copi o
gofnodion drafft cyfarfod Cymdeithas CYSAGau Cymru a
gynhaliwyd yn Yr Wyddgrug ar 26 Mehefin, 2008.
|
|
|
|
9.3
Llythyr dyddiedig 1 Hydref, 2008 oddi wrth Mrs
Sheila Dunning, cynrychiolydd yr Eglwys Babyddol Rufeinig ar y
CYSAG, yn cynnig ei hymddiswyddiad fel aelod o CYSAG Ynys
Môn.
|
|
|
|
Adroddodd y Pennaeth
Gwasanaeth (Addysg) ei fod hefyd wedi derbyn neges ei fod yn
ddymuniad gan y Parch. Irfon Jones i ymddiswyddo fel cynrychiolydd
Undeb yr Annibynnwyr Cymraeg ar y CYSAG. Cytunwyd i lythyru’r
ddau aelod uchod i ddiolch iddynt am eu cyfraniadau gwerthfawr i
drafodaethau CYSAG Ynys Mon, a bod camau yn cael eu cymryd i enwebu
cynrychiolwyr yn eu lle.
|
|
|
|
Penderfynwyd gofyn
i’r Pennaeth Gwasanaeth (Addysg) -
|
|
|
|
Ÿ
|
Anfon llythyr ar ran y CYSAG i Mrs Sheila Dunning
a’r Parch. Irfon Jones i ddiolch i’r ddau ohonynt am eu
gwasanaeth clodwiw dros gyfnod hir i CYSAG Ynys Môn, ac i
ddymuno’n dda iddynt am y dyfodol;
|
|
|
Ÿ
|
gysylltu gyda’r Eglwys Babyddol Rufeinig ac
Undeb yr Annibynnwyr Cymraeg i ofyn yn ffurfiol i’r ddau
gorff enwebu aelod newydd yr un i’w cynrychioli ar CYSAG Ynys
Môn.
|
|
|
|
|
10 CYFARFOD NESAF Y CYSAG
|
|
|
|
Cadarnhawyd y cynhelir
cyfarfod nesaf y CYSAG am 2 o’r gloch y prynhawn ar ddydd
Llun, 2 Chwefror, 2009.
|
|
|
|
11
|
CYFARFODYDD NESAF CYMDEITHAS CYSAGau CYMRU
|
|
|
|
|
Nodwyd bod cyfarfodydd
nesaf Cymdeithas CYSAGau Cymru wedi’u rhaglennu ar 7
Tachwedd, 2008 yn Sir Fynwy ac ar 13 Mawrth, 2009 ym Mhen-y-bont ar
Ogwr.
|
|
|
|
|
|
|
|
Mr Rheinallt
Thomas
|
|
Is-Gadeirydd
|
|
(Yn y Gadair)
|
|
|
|
|
|
Yn dilyn
cyfarfod y CYSAG, cynhaliwyd Cynhadledd Maes Llafur Cytun i bwrpas
mabwysiadu’n ffurfiol y Maes Llafur Cytun newydd.
|