|
3.5
|
Yn ystod y flwyddyn mae'r Adain Archwilio Mewnol yn gorfod
gwneud gwaith ar faterion sy'n dod i'r fei yn ystod gwaith
archwilio cynlluniedig neu oherwydd materion a ddygir i sylw'r
Adain gan Adrannau eraill a gwaith hefyd y mae Adrannau eraill yn
gofyn i'r Adain Archwilio Mewnol ei wneud. Hefyd mae'n bosib
y bydd yr Archwiliwr Dosbarth yn gofyn iddynt am wybodaeth neu am
gymorth i ddarparu gwybodaeth. Yn sgil rhai o'r ymchwiliadau
hyn cyhoeddir adroddiadau archwilio ffurfiol ond efallai na fydd
adroddiadau yn dilyn rhai ymchwiliadau. Dywedwyd wrth y
Pwyllgor Archwilio blaenorol a gyfarfu ym mis Gorffennaf 2003 bod
incwm wedi'i ddwyn o un o sefydliadau'r Cyngor. Trosglwyddwyd
y mater i'r Heddlu ac er cyfweld un a amheuwyd o ddwyn nid oedd
digon o dystiolaeth i ddwyn achos yn ei erbyn. Bellach mae
ymholiadau'r Heddlu ar ben a rhoddwyd gwybod am y mater i yswirwyr
y Cyngor ac maent hwy wrthi'n delio gyda'r hawliad.
|
|
|
3.6
|
Hefyd mae'r Adain Archwilio Mewnol yn rhoddi cyngor ar
reolaeth gyllidol, ar y systemau ac ar reoliadau ac mae'r
gwaith a gofnodir dan y categori hwn yn cael ei wneud ar gais
adrannau eraill. Yn achos y rhan fwyaf o'r gwaith ni
pharatoir adroddiad. Yn ystod y cyfnod o 1 Medi, 2003 hyd at
31 Hydref, 2003 y rhain oedd y prif feysydd a gafodd
sylw:
|
|
|
|
|
3.6.1
|
cynnal asesiad ariannol o dendrwyr ar gyfer
contractau;
|
|
|
3.6.2
|
rhoi cyngor ar drefniadau tendro yng nghyswllt amryfal
gontractau;
|
|
|
3.6.3
|
rhoi cyngor i'r Adran Tai a Gwasanaethau Cymdeithasol i ba
raddau y dylent fod yn ymwneud ag arian cleientiaid;
|
|
|
3.6.4
|
rhoi cyngor cyffredinol ar nifer o faterion i'r Adran Tai
a Gwasanaethau Cymdeithasol, i ysgolion, ac i'r Adran Addysg a
Hamdden.
|
|
|
|
|
3.7
|
Gwnaed gwaith dilyn-i-fyny ar 13 o adroddiadau archwilio a
gyhoeddwyd rhwng 5 Mai 2003 a 31 Awst 2003 a chawsant eu crynhoi yn
yr adroddiad. Ym mhob achos cafwyd ymateb boddhaol ac eithrio
Ysgol Pencarnisiog, a'r Cyngor yn dal i ddisgwyl ymateb gan
honno.
|
|
|
3.8
|
Yn y cyfarfod diwethaf o'r Pwyllgor Archwilio dywedwyd na
chafwyd ymateb gan yr Adran berthnasol mewn perthynas â'r
archwiliadau o'r System Gyflogau (Gwasanaethau Corfforaethol) a
Pheiriannau Ffrancio (Gwasanaethau Corfforaethol). O
ganlyniad cynhelir archwiliad byr a rhoddir gwybod am y canlyniadau
i gyfarfod nesaf y Pwyllgor hwn. Hefyd mae gwaith archwilio
dilyn-i-fyny yn cael ei wneud ar System Oriau Ystwyth y Cyngor, a
chyflwynir y casgliadau i'r Pwyllgor hwn unwaith y bydd y dasg
wedi'i chwblhau.
|
|
|
|
|
|
Yma cyfeiriodd un aelod yn benodol at y System Oriau
Ystwyth gan bwysleisio bod cryn dipyn o amser wedi mynd heibio ers
i'r Pwyllgor Archwilio roddi sylw i'r mater am y tro cyntaf ac na
chafwyd atebion pendant i'r materion a godwyd yn yr Adroddiad
Archwilio Mewnol er gwaethaf cael trafodaethau mewn sawl Pwyllgor
ar y system.
|
|
|
|
|
|
Yn ei ymateb dywedodd y Pennaeth Gwasanaeth (Archwilio
Mewnol) bod yr adroddiad gwreiddiol gan yr Adain Archwilio Mewnol
ar y System Oriau Ystwyth wedi dwyn sylw at wendidau yn rheolaeth
ac yng ngweinyddiaeth y system ac wedi cyflwyno argymhellion i
gywiro'r sefyllfa. Yn yr adroddiad-dilyn-i-fyny canolbwyntir
yn unig ar y cynnydd yng nghyswllt gweithredu ar yr argymhellion
hynny.
|
|
|
|
|
|
Gan fod y System Oriau Ystwyth wedi cael sylw mewn sawl
Pwyllgor yn ddiweddar dywedodd y Cyfarwyddwr Corfforaethol (Cyllid)
bod modd colli golwg ar baham fod y mater wedi codi yn y lle
cyntaf, sef oherwydd gwendidau a welodd yr Adain Archwilio Mewnol
mewn sicrhau bod rheolau'r System Oriau Ystwyth yn cael eu cadw a'u
parchu. Roedd y Pwyllgorau eraill a roes sylw i'r mater wedyn wedi
tueddu i ystyried materion nad oedd â wnelont ddim â
rhedeg a gweithredu'r system.
|
|
|
|
|
|
Wedyn rhoes y Pwyllgor sylw i ddau adroddiad archwilio
Graddfa E yng nghyswllt Cyfrifon Clybiau Ieuenctid a Diogelu Data
ond cytunwyd, cyn trafod yr adroddiadau, a chan ddilyn
darpariaethau Paragraff 1 Rhestr 12A Deddf Llywodraeth Leol 1972 i
wahardd y wasg a'r cyhoedd o'r cyfarfod tra'n ystyried y cyfryw
adroddiadau oherwydd y tebygrwydd y câi gwybodaeth
gyfrinachol ei datgelu yn ystod y drafodaeth.
|
|
|
|
|
|
|
|
|
|
|
3.9
|
Cyfrifon Clybiau Ieuenctid
|
|
|
|
|
|
Nododd y Pennaeth Gwasanaeth (Archwilio Mewnol) bod gwaith
archwilio wedi'i wneud i sicrhau fod Arweinwyr Clybiau Ieuenctid yn
cydymffurfio gyda chyfarwyddiadau swyddogol pan yn rheoli'r gronfa,
ac i sicrhau bod y datganiadau cyllidol ar ddiwedd y flwyddyn yn
cael eu cwblhau'n gywir. Yn gyffredinol roedd yr Archwilwyr
wedi dod i'r casgliad bod safon y rheolaethau mewnol yn wan, rhai
cyfrifon ddim yn cael eu cwblhau'n gywir, a dim dogfennau ar gael i
dystio i'r gwariant. O'r herwydd, credai'r archwiliwr bod
risg uchel o wneud camgymeriad neu o greu colledion i'r Awdurdod a
bod lle i wella'n sylweddol yn nhermau rheolaethau mewnol.
Roedd Cynllun Gweithredu wedi'i baratoi mewn ymateb i'r
gwendidau a'r diffygion.
|
|
|
|
|
3.10
|
Deddf Diogelu Data 1998
|
|
|
|
|
|
Dywedodd y Pennaeth Gwasanaeth (Archwilio Mewnol) bod y
gwaith archwilio wedi'i wneud er mwyn adolygu trefniadau
corfforaethol cyffredinol y Cyngor i sicrhau cydymffurfio gyda
Deddf Diogelu Data 1998 ac i benderfynu pa mor effeithiol a fu y
trefniadau corfforaethol hyn i sicrhau cydymffurfiad gyda'r Ddeddf
mewn Adrannau unigol.
|
|
|
|
|
|
Adeg cynnal yr archwiliad roedd gan y Cyngor gryn dipyn
i'w wneud i gydymffurfio gyda'r Ddeddf Diogelu Data ac roedd angen
rhoddi sylw i'r mater ar lefel gorfforaethol er mwyn sicrhau bod,
ym mhob Adran, drefniadau priodol yn eu lle i ddelio gyda holl
agweddau'r Ddeddf a sicrhau bod staff yn llwyr ymwybodol o'u
dyletswyddau a'u cyfrifoldebau dan y Ddeddf. Roedd methiant i
sicrhau cynnydd boddhaol yn ychwanegu at y risg y gall y
Comisiynydd Gwybodaeth gymryd camau gorfodaeth i sicrhau bod y
Cyngor yn cydymffurfio. Bu ymateb y Rheolwyr, yn dilyn
cwblhau'r profion archwilio a rhyddhau'r adroddiad drafft, yn
gadarnhaol a chafwyd cynnydd yn y broses o wella'r meysydd hynny y
canfuwyd gwendidau ynddynt.
|
|
|
|
|
|
Roedd Cyfarwyddwr y Gwasanaethau Cyfreithiol yn derbyn y
raddfa ond pwysleisiodd bod gwaith sylweddol wedi'i wneud ers
cynnal yr archwiliad a'i bod hi, fel Cyfarwyddwr y Gwasanaethau
Cyfreithiol, wedi ei henwebu i arwain, dros gyfnod byr, y gwaith o
symud ymlaen gyda'r materion Diogelu Data, er bod Diogelu Data, fel
maes arbennig, yn cael ei ystyried fwyfwy fel mater corfforaethol.
Mabwysiadwyd Strategaeth Diogelu Data ar 28 Ebrill a chafodd honno
ei rhannu yn eang a chafwyd sesiynau hyfforddi er mwyn codi
ymwybyddiaeth staff. Bydd raid gwneud rhagor o waith, yn
enwedig yng nghyswllt sicrhau bod systemau'r awdurdod yn
cydymffurfio gyda gofynion y Ddeddf Rhyddid Gwybodaeth a fydd yn
dod i rym yn llawn yn 2005, a bydd angen penodi swyddog pwrpasol i
ddelio gyda'r gwaith gweinyddol a ddaw yn sgil y
ddeddfwriaeth hon. Y bwriad oedd cyflwyno adroddiad ar y
gofynion adnoddau i'r Pwyllgor Gwaith yn y flwyddyn newydd a'r cam
nesaf fydd ystyried sgôp y dasg, a chlustnodi adnoddau yn
ôl y galw.
|
|
|
|
|
|
Un pryder i'r Aelodau oedd casgliadau'r adroddiad
archwilio ac mai ychydig iawn o gynnydd a welwyd ers cyhoeddi
adroddiad gwreiddiol yr Archwiliwr Dosbarth ar Ddiogelu Data.
Yn arbennig roeddent yn cydnabod bod staff angen hyfforddiant
ac yn cefnogi hynny - nid yn unig i bwrpas codi ymwybyddiaeth o'r
pwnc ond hefyd i roddi i'r staff yr hyder i ddelio gyda cheisiadau
am weld gwybodaeth ac yng nghyswllt rhyddhau gwybodaeth yn gywir ac
yn briodol. Roeddent yn argymell bod yr holl staff yn cael eu
hannog i fynychu hyfforddiant yng nghyswllt gofynion Diogelu Data.
|
|
|
|
|
|
|
|
|
3.11
|
Derbyn adroddiad y Pennaeth Gwasanaeth (Archwilio
Mewnol) ar y gwaith a wnaeth yr Adain Archwilio Mewnol dros y
cyfnod 1 Ebrill, 2003 - 31 Hydref, 2003 a derbyn yr argymhellion yn
yr adroddiad.
|
|
|
3.12
|
Mynegi pryderon y Pwyllgor Archwilio i'r Pwyllgor
Gwaith ynghylch canfyddiadau'r Adroddiad Archwilio Mewnol ar
Ddiogelu Data.
|
|
|
3.13
|
Argymell i'r Pwyllgor Gwaith fod staff yn cael eu
hannog i fynychu hyfforddiant ar ofynion Diogelu Data a phynciau
cysylltiedig.
|
|
|
|
|
4
|
Y CYLCH GORCHWYL AR GYFER ARCHWILIO MEWNOL
|
|
|
|
|
|
Cyflwynwyd - Adroddiad y Pennaeth Gwasanaeth (Archwilio
Mewnol) yn ymgorffori Cylch Gorchwyl i'r Gwasanaeth Archwilio
Mewnol.
|
|
|
|
|
|
Dywedodd y Pennaeth Gwasanaeth (Archwilio Mewnol) bod
Archwilwyr Allanol y Cyngor, yn eu hadolygiad blynyddol o'r
Gwasanaeth Archwilio Mewnol, wedi canfod nad oedd Cylch Gorchwyl
i'r Gwasanaeth Archwilio Mewnol ac argymhellwyd y dylid llunio
dogfen o'r fath i'w chymeradwyo gan y Pwyllgor Archwilio.
Roedd y Cylch Gorchwyl a gyflwynwyd gyda'r adroddiad uchod yn
nodi amcanion a sgôp y gwaith archwilio mewnol ac yn manylu
ar hawliau'r Archwiliwr Mewnol, ar sut y bydd yr Archwilwyr yn
diogelu eu hannibyniaeth ac yn nodi hefyd y trefniadau mewn lle i'r
Gwasanaeth Archwilio Mewnol gyflwyno adroddiadau.
|
|
|
|
|
|
Yn seiliedig ar y wybodaeth a gyflwynwyd cododd yr Aelodau
y pwyntiau a ganlyn:
|
|
|
|
|
4.1
|
Awgrymwyd yng nghyswllt cymal 4.1 (v) y Cylch Gorchwyl
sy'n ymwneud â pheidio â rhoddi gwaith archwilio i
Archwiliwr mewn maes y bu ef/hi yn gweithio ynddo neu'n
gysylltiedig ag ef hyd oni fuasai cyfnod addas wedi mynd heibio, ac
y dylai'r cyfnod hwnnw fod yn fwy penodol a gwrthod "cyfnod addas"
am ei fod yn rhy amwys.
|
|
|
4.2
|
Cyfeiriwyd at (ii) cymal 4.1 lle crybwyllir "y rheini sy'n
gyfrifol am reoli", a gofynnwyd at bwy yr oedd y geiriau yn
cyfeirio.
|
|
|
4.3
|
Cyfeiriwyd at baragraff 6 yng nghyswllt cyflwyno
adroddiadau ac yn arbennig at rôl yr Archwiliwr Mewnol yng
nghyswllt darparu "barn" yn unig a gofynnwyd a fuasai'n briodol
cael darpariaeth fel bod modd i'r Adain Archwilio Mewnol fynd ar
drywydd materion yn fwy penderfynol ac yn fwy terfynol, ac yn
arbennig pan fo achosion o oedi cyn ymateb i adroddiad archwilio
neu pan fo'r ymateb hwnnw, o'i gael, yn anfoddhaol. Hefyd
crybwyllwyd achosion pryd y gallai gwahaniaeth barn godi rhwng yr
Archwiliwr a'r Adran berthnasol ar y camau i'w cymryd pan fo
gwendidau wedi'u canfod, ac mewn achosion o'r fath buasai'n fuddiol
i'r Adain Archwilio Mewnol fedru dwyn pwysau yn y mannau priodol.
|
|
|
|
|
|
Yng nghyswllt peidio â rhoddi gwaith archwilio i
Archwiliwr mewn maes y bu ef/hi yn gweithio ynddo hyd oni fuasai
cyfnod penodol wedi mynd heibio dywedodd y Pennaeth Gwasanaeth
(Archwilio Mewnol) bod yr amgylchiadau'n amrywio ac i'r geiriau
gael eu codi o lawlyfr Archwilio Safonol CIPFA. Os oedd
Archwiliwr yn methu â chymryd gwaith mewn maes penodol am nad
oedd digon o amser wedi mynd heibio ers pan oedd ef neu hi yn
gweithio yn y maes hwnnw yna buasai'r gwaith archwilio yn cael ei
neilltuo i aelod arall o'r staff.
|
|
|
|
|
Yng nghyswllt y geiriau "y
rheini sy'n gyfrifol am reoli", maent, yng nghyd-destun Llywodraeth
Leol, yn cynnwys y Tîm Rheoli, Penaethiaid Gwasanaeth a'r
Pwyllgor Archwilio, ac yn adlewyrchu arferion cyfredol yng
nghyswllt pwy y mae'r Pennaeth Archwilio Mewnol yn cysylltu gyda
nhw.
|
|
|
|
Yng nghyswllt y pwynt a
godwyd dan gymal 4.3 nid yw'r Adain Archwilio Mewnol yn gyfrifol am
systemau, gweithdrefnau na rheolaethau y tu mewn i'r adrannau, dim
ond yn gyfrifol am eu harchwilio a chanfod unrhyw wendidau.
Mater i'r rheolwyr yw gweithredu ar adroddiad archwilio ond
mae'r Adain Archwilio yn paratoi adroddiadau dilyn-i-fyny er mwyn
asesu unrhyw gynnydd a wnaed ar weithredu ar yr argymhellion.
|
|
|
|
Petai gwahaniaeth barn neu
pe cyfyd achos ble mae y cyngor a roddir yn cael ei ddiystyru'n
fwriadol dywedodd y Cyfarwyddwr Corfforaethol (Cyllid) y buasai'n
ddyletswydd ar y Swyddog Adran 151 i ymyrryd. Y Swyddog Adran
151 sy'n gyfrifol am sicrhau bod gweinyddiaeth gyllidol briodol yn
ei lle a dan y Rheoliadau Cyllidol mae disgresiwn i'r Swyddog
gymryd camau y tybio sy'n angenrheidiol i sicrhau bod y gwaith hwn
yn cael ei wneud.
|
|
|
|
Penderfynwyd
mabwysiadu'r Cylch Gorchwyl i'r Gwasanaeth Archwilio Mewnol fel y
cafodd ei gyflwyno.
|
|
|
|
5 CÔD YMARFER AR GYFER ARCHWILIO MEWNOL MEWN
LLYWODRAETH LEOL YN Y DEYRNAS GYFUNOL 2003
|
|
|
|
Cyflwynwyd - Adroddiad y
Pennaeth Gwasanaeth (Archwilio Mewnol) a hwnnw'n cynnwys Côd
Ymarfer Diwygiedig ar gyfer Archwilio Mewnol mewn Llywodraeth Leol
yn y Deyrnas Gyfunol.
|
|
|
|
Dywedodd y Pennaeth
Gwasanaeth (Archwilio Mewnol) bod y Sefydliad Siartredig ar gyfer
Cyllid Cyhoeddus a Chyfrifeg (CIPFA) yn y flwyddyn 2000, wedi
cyhoeddi Côd Ymarfer i Archwilwyr Mewnol mewn Llywodraeth
Leol yn y Deyrnas Gyfunol. Ynddo nodir dyletswyddau a
chyfrifoldebau Archwilwyr Mewnol Llywodraeth Leol.
Mabwysiadwyd y Côd gan y Cyngor mewn cyfarfod o'r
Pwyllgor Archwilio ar 28 Tachwedd, 2000.
|
|
|
|
O ganlyniad i newidiadau
yn y ffordd y mae Llywodraeth Leol yn gweithio yn sgil Deddf
Llywodraeth Leol 2000 a'r Rheoliadau Cyfrifon ac Archwilio 2003
(sy'n berthnasol i Loegr yn unig), a'u heffaith ar rôl a
chyfrifoldebau archwilio mewnol roedd Panel Archwilio CIPFA yn
ystyried bod angen moderneiddio'r Côd er mwyn sicrhau ei fod
yn cyd-fynd yn agosach gyda'r safonau cyfatebol ar gyfer y
Gwasanaeth Iechyd Gwladol a llywodraeth ganolog. Cafodd y
Côd ei ddiweddaru yn 2003.
|
|
|
|
Er nad yw'r Côd yn
newid rôl na chyfrifoldebau'r gwasanaeth Archwilio Mewnol yn
sylweddol mae'n cynnwys 10 o safonau gweithredol a sefydliadol y
dylai'r gwasanaeth Archwilio Mewnol eu cyrraedd. Mae'r
Côd hefyd yn cynnwys safon benodol ar gyfer Pwyllgorau
Archwilio a rhan newydd ar Safonau Moesegol i Archwilwyr
Mewnol.
|
|
|
|
Penderfynwyd
mabwysiadu Côd Ymarfer CIPFA ar gyfer Archwilio Mewnol mewn
Llywodraeth Leol yn y Deyrnas Gyfunol fel y Côd Ymarfer sy'n
rheoli gwaith Gwasanaeth Archwilio Mewnol y Cyngor hwn.
|
|
|
|
Y Cynghorydd Gwyn
Roberts
|
|
Cadeirydd
|